新媒网 · 跨境数据社区

Muling pinagtibay ng mga lider ng Lakas-Christian Muslim Democrats (Lakas-CMD) ang kanilang suporta sa direksiyon na tinatahak ni Pangulong Ferdinand R. Marcos Jr. para sa masagana at inklusibong Bagong Pilipinas kasabay ng papuri sa masiglang pamumuno ni Speaker Martin G. Romualdez bilang susi sa pagsusulong ng legislative agenda para sa 2025. Kinilala nina Senior Deputy Speaker Aurelio “Dong” Gonzales Jr. at House Majority Leader Manuel Jose “Mannix” Dalipe ang strategic at decisive approach sa pamumuno ni Speaker Romualdez, na naging daan sa mga makabuluhang reporma para palakasin ang pagbangon ng ekonomiya, pagbutihin ang serbisyo publiko, at pagandahin ang buhay ng mga mamamayan. Nagpahayag ng paghanga ang dalawa kay Speaker Romualdez sa pagkakaisa ng super majority coalition ng Kamara at sa pagsasakatuparan ng mga legislative milestone na inuuna ang kapakanan ng mga maralitang grupo habang tinutugunan ang pinakamabibigat na hamon ng bansa. #PilipinasToday #MartinRomualdez #ManuelDalipe #DongGonzalesJr #HouseOfRepresentative