新媒网 · 跨境数据社区

LINEMEN AT CREW NG MERALCO, PINURI DAHIL SA DEDIKASYON Tampok sa social media ang Facebook post ni Meralco Vice President at Head of Corporate Communications Joe R. Zaldarriaga kung saan pinuri niya ang dedikasyon ng mga line crew ng Meralco sa patuloy na pagtatrabaho para matiyak na maayos ang serbisyo sa kuryente mapa-weekend o holiday man. Sa kanyang post, ibinahagi ni Zaldarriaga ang larawan ng grupo ng mga linemen na nagtatrabaho sa panulukan ng Jade Drive, Ortigas Center, Pasig City. “Such is the life of our network personnel. No weekends, no holidays. When everybody else is at home or resting, they are out there ensuring that they keep the lights on for all of us. Mabuhay kayo, mga kasama!” ani Zaldarriaga. Dahil dito, umani ng papuri at pasasalamat mula sa mga netizens ang mga linemen ng Meralco. “Networks P.R.I.D.E. is alive and strong. Stay safe, mga kasama!” ani Froi Savet. Dagdag ni Miraflor Aragasi, “Grabe ang dedication ng mga Meralco line crew natin! Kahit weekends, tuloy pa rin ang trabaho. Salamat sa inyo, mga bossing, solid kayo!” Tinawag naman silang “unsung heroes” ni Rey Aragon. “Kayo ang tunay na unsung heroes para sa akin... Salamat sa effort at commitment para may ilaw ang bawat tahanan,” aniya. Puno ng hamon ang buhay ng isang lineman. Kinakailangan nilang harapin ang matitinding kondisyon ng panahon at mahabang oras ng trabaho upang maibalik at mapanatiling maayos ang serbisyo sa kuryente.