新媒网 · 跨境数据社区

ابنك مش حاسس بالحريه😟 ماريا منتسوري قالت جمله مهمه جدا بخصوص الموضوع ده 💞 "تتطور شخصية الطفل وفقا للعقبات التي واجهها أو الحريه التي يتمتع بها لصالح نموه" بنشوف الاطفال من اول ما يبدأو يزحفو ووهما بيكبرو في كل مرحله بيكونو عاوزين يعبرو عن نفسهم بالحركه واللعب والاكتشاف لكل حاجه حواليهم👏 فمع كل حركه تبتدي الام تسحب من أيده كل حاجه هو بيمسكها أو بيجري عليها.. وبيكون جواها احساس بالخوف عليه 😉 ابنك جواه معلم داخلي بالفطره ولوحده بيتعلم كل حاجه بدون تدخل منك😍 مساعدته علي التطور هتحتاج منك انك تديله مساحة الحريه الي يقدر يكتشف بيها كل حاجه حواليه والي هتكتمل من خلالها عملية التعليم خصوصا في أول ٣ سنين من عمره ☺️ الحريه في الحركه وفي الشعور الي تديله الفرصه يكون قادر يعبر بيها عن نفسه ويكون شخص ذكي وواثق بنفسه وحاسس بالاستقلال🤗 وخليكي عارفه أن كل لما بتقفليها علي طفلك فانتي كده بتقتلي جواه رغبته في أنه يعبر عن نفسه فعلا وأنه يكون شخص مبدع 😉 اعرفي أن دورك مع اطفالك مش مجهود وان دورك حب واحتواء لاطفالك ومساحة حريه يكونو فيها نفسهم😍