新媒网 · 跨境数据社区

GOV. MANDANAS, POSIBLENG MA-DISQUALIFY SA PAGTAKBO BILANG BISE GOBERNADOR DAHIL SA MAANOMALYANG LNG PROJECTS SA BATANGAS! Posibleng kanselahin ng Commission on Elections (COMELEC) ang kandidatura ni Batangas Governor Hermilando “Dodo”Mandanas dahil sa pagkakasangkot nito sa maanomalyang Liquefied Natural Gas (LNG) Projects sa Batangas. Ayon sa mga kritiko, walang ibang dahilan kung bakit ipinagpipilitan ni Mandanas ang Liquefied Natural Gas (LNG) project sa Batangas kundi ang pansariling interes. Kamakailan ay inilabas ng international news organization na Associated Press ang ilang dokumentong nag-uugnay sa pamilya ni Mandanas sa AbaCore Capital Holdings Inc., isang kumpanyang nagmamay-ari ng mga lupa sa Batangas na tumaas ang halaga dahil sa LNG developments. Ang malinaw na conflict of interest na ito ay isang lantarang paglabag sa Anti-Graft and Corrupt Practices Act (R.A. 3019), isang matibay na batayan upang madiskwalipika ang isang kandidato na tumatakbo sa anumang posisyon. Matatandaan na noong 2019, inamin ng yumaong asawa ni Mandanas na ang mga polisiya ng Batangas Provincial Government ay nakatuon sa pagpapalago ng kanilang negosyo, kahit na ang mga proyektong ito ay sumisira sa kalikasan at kabuhayan ng mga Batangueño. Sa kabila ng babala mula sa mga eksperto, mangingisda, at environmental groups, patuloy na itinutulak ni Mandanas ang LNG projects sa ngalan ng huwad na “kaunlaran.” Sa gitna ng usaping ito, nananatili ang tanong ng taumbayan. Bakit ipinagpipilitan ni Mandanas ang LNG projects sa kabila ng mga panganib na dulot nito? Ano ang palusot ng gobernador sa mga apektadong komunidad?