新媒网 · 跨境数据社区

رحلتي مع التصميم من ٢٠١٣ ل ٢٠٢٤ 💖 أنا إسراء .. بشتغل فريلانسر ليا حوالي ٤ سنين ونفذت اكتر من ٣٠ مشروع على مستقل وخمسات الحمد لله 💛 نزلت الفوتوشوب ٢٠١٣ بس للاسف وقتها معرفتش اتعامل عليه ف مسحته .. جيت بقا ٢٠١٩ خدت كورس اوفلاين وكان كويس جدا .. بس المشكلة اللي كانت بتقابلني لما الدراسة تبدأ واتشغل فيها كنت بنسى كل اللي اتعلمته ع الفوتوشوب لإنه بيحتاج ممارسة بإستمرار ! بقيت كل ما احتاج حاجة ابحث يوتيوب وهكذا .. لغاية ما عرفت كانفا ! دا كان الحل السحري بالنسبالي واللي حققت اغلب ارباحي منه ! عشان كدا حابة انقل خبرتي لأي حد بيبدأ الطريق وحابب يتعلم التصميم كهواية او مهارة يحقق منها ربح .. فعملت كورس شامل لكانفا وهنطبق فيه مع بعض حاجات كتير جدا من ملفات تعريفية للشركات وباوربوينت وبوسترات سوشيال ميديا وحاجات تاني كتير ! والحقيقة اني مخدتش خطوة اني اعمل كورس غير بعد تفكير كتير جدا ولما اتأكدت اني مؤهلة اني اقدم معلومات افيد بيها غيري .. فالكورس هتلاقوا اي حاجة محتاجينها بإذن الله وهيكون متجدد دايماً بأفضل التحديثات وبرغم محتوى الكورس الدسم جدا انا عاملة سعره رمزي خالص عشان غرضي من الموضوع كله الافادة اكتر من الربح المادي .. دي اسئلة ممكن تيجي فبالكم فحبيت ارد عليها فالبوست .. ليه كانفا مش فوتوشوب؟ - سهل جدا فالاستخدام والتعلم - تقدر تشتغل من الفون او التاب او اللاب - تقدر تفتح البرنامج من اي جهاز بمجرد ما تسجل دخولك للأكونت بتاعك - بيحفظ التصاميم تلقائي لو خرجت منه ودخلت تاني - والحقيقة فيه ميزات تانية كتير صعب تتكتب فبوست واحد بس هنكتشفها كلها سوا ❤️ طيب ليه تشتركوا فالكورس لما ممكن تتعلموا من اليوتيوب ببلاش ! ببساطة شديدة انا بشتغل جرافيك ديزاينر ليا حوالي ٤ سنين يعني خبرتي كويسة الحمد لله .. وعلى مدار السنين اللي فاتت دي اشتغلت مع ناس من مصر وبرا مصر ووقعت فأخطاء واتعلمت حاجات كتير جدا .. بالإضافة طبعا لتصحيح التاسكات وتقييمها ودا اليوتيوب ميقدرش يعمله 😁 ف كل دا حابة اعرفه ليكم فالكورس عشان محدش يقع فالأخطاء اللي وقعت فيها وكمان هيكون في شات للاستفسارات وتقييم تاسكات الكورس او اي تصاميم تانية تعملوها بحيث تحسنوا مستواكم جدا وتعملوا بورتوفليو قوي عشان تعرضوه عالعملاء والمفاجأة 🎉 ان في ٣ هدايا مميزين جدا لأول ٥ هيشتركوا فالكورس .. وتكلفتهم اكبر من تمن الكورس اصلا بس هيبقوا مجانا لأول ٥ يشتركوا بإذن الله 💙 الصور اللي تحت دي من تصميمي وهنعمل زيها وأحلى فالكورس سوا 💖 لو حد حابب يعرف تفاصيل الكورس ممكن يبعتلنا على الواتس✅️