新媒网 · 跨境数据社区

المعادلة الصعبة وانت في الكلية✌️🔥 عمرك قبل كده سمعت عن المعادله الصعبه؟ تعالي انا اقولك عليها. المعادله الصعبه وهي انك تدرس في الكليه ٤ سنين واول ما تتخرج يا عيني وتقدم علي شغل تلاقيهم بيقولولك معلش احنا عايزين " fresh graduates" وأقل حاجه يكون معاك سنه خبره. الي هو ازاي يا عم الحج انا لسه متخرج وممكن تكون دخلت الجيش كمان سنه او ٣ سنين لو دخلت ظابط اجيبلكم الخبره منين. بس عادي ولا يهمك تعالي اقولك ازاي تحقق المعامله الصعبه. 1- حاول وانت في الكليه تعرف افضل الناس الي موجودين في مجالك وحاول تتابعهم علي كل منصات السوشيال ميديا ، واقولك علي حاجه تبقي عالمي لو عرفت تقابلهم وتقعد معاهم وتستفيد من خبرتهم في المجال. 2- اعرف اقوي الشركات والمؤسسات الي شغالين في مجالك وحاول كمان تحضر معاهم ايفنتات او اي Workshop يعملوها ، واقولك علي حاجه تاني لو عرفت كمان تقابل أصحاب ومديرين الشركات دي تبقي برده عالمي. 3- اتطوع كتيييييير في أنشطة طلابية ، واشتغل معاهم وافحت نفسك شغل " هو مفيش مقابل مادي بس فيه فيه خبره كبيره انت بتستفادها وقدام هيجيلك المقابل المادي لما تشتغل في شركة لانك معاك خبره" 4- لو فيه اي Start up يعني مجموعة شباب بيحاولوا يعملوا شركة صغيره علي قدهم كده ولسه في البدايه ، اعرض عليهم انك تساعدهم وبيلاش من غير مقابل مادي " يا عزيزي اهم حاجه تملا السي في مش مهم الفلوس دلوقتي" . 5- اعمل بقي علاقات كتير ، روح ايفنتات في كل حته، اي محاضره في أي حاجه روح وأحضر لهدف انك تقابل ناس وتعمل علاقات في مجالات مختلفه ، ده هيساعدك كتير قدام. 6- ابدأ سوق لنفسك علي منصات السوشيال ميديا ، عرف الناس علي انجازاتك في المجال بتاعك ، شهاداتك الي بتاخدها ، اي ورشة عمل حضرتها ، من الاخر كده خلي الناس تعرف انت شغال ايه عشان ده هيفتحلك ابواب كتير للشغل. ✅ اتعلم انجليزي وطور من اللغة عندك علي قد ما تقدر عشان تقدر بسهولة تعدي اي انترفيوا وتعمل لنفسك بريستيح قوي جدا👏 لو عايز تعرف تعمل ده ازاي اكتب كلمة "المعسكر" 🔥 لو عملت كل ده صدقني بعد ما تخلص كلية هتتشقط " لا مش الشقط الي في دماغك 😂 " هتتشقط من الشركات. وازاي ماحنا عارفين إن الرزق بيد الله بس انت تاخد بالاسباب. ربنا يوفقكم دايما وتبقوا احسن ناس في الدنيا ❤️