新媒网 · 跨境数据社区

MAYNILA, MAY UTANG NA P561-MILYONG UTANG SA LEONEL WASTE MANAGEMENT! Binulgar ng dating garbage contractor ng Manilla na Leonel Waste Management na tumataginting na P561,444,000 Milyon umano ang utang ng lokal na pamahalaan sa kanilang tanggapan, bilang tugon sa tahasang paninisi sa kanila ni Manila Mayor Honey Lacuna na siyang dahilan kung bakit aniya tambak ng basura sa lungsod. Paglilinaw ng Leonel na nagsilbi ng 25 taong serbisyo sa Maynila, na noon pang Disyembre 31 natapos ang kanilang kontrata at siniguro nilang maayos na nahakot ang mga basura bago pa man magpalit ang taon. Taliwas umano ito sa mga naging paratang ng Mayora laban sa kanila, na hinaluan pa ng pananakot na “hindi palalampasin” at “mananagot” sa ginawa umanong “pananabotahe” sa lungsod. Dagdag pa ng Leonel, marami sa mga residente ang nakakita sa ginawang serbisyo ng kanilang garbage collectors noong holiday season. Binigyan din nila ng pasabi si Lacuna noon pang Setyembre 2024 dahil hindi na sila lalahok sa gaganaping bidding nitong nakaraang Disyembre upang makapaghanda ang lungsod sa paghihiwalay ng taon. Sa statement naman ni Mayor Lacuna nitong nakaraan, kinumpirma nitong ang MetroWaste Management at PhilEco na ang mga bagong garbage contractor sa Maynila simula January 1, 2025. #PBAPolitika