新媒网 · 跨境数据社区

Gikompirmar ni kanhi presidente Rodrigo Duterte sa Quad Comm of the House niadtong Nobiyembre 13 nga tinuod ang gisulti ni kanhi Philippine Charity Sweepstakes Office (PCSO) general manager Royina Garma nga nagkinahanglan siya og membro sa Iglesia Ni Cristo (INC) nga ma-recruit alang sa usa ka partikular nga papel sa iyang war on drugs. Hinuon, giklaro ni Duterte ngadto kang 1-Rider Party-list Rep. Rodge Gutierrez nga wala niya idestino ang maong sakop sa relihiyosong sekta nga magtukod og task force alang sa kampanya sa iyang administrasyon batok sa druga tungod kay adunay mga law enforcement groups ang gobyerno nga nadestino sa maong trabaho. Ang maong trabaho giingong aprobahan ang "proposal" sa usa ka tawo nga mohimo og "special operation" sa dapit diin nakaplagan ang ilegal nga drugas. Wala usab direktang hinganli ni Duterte ang maong sakop sa INC nga si kanhi National Police Commission (Napolcom) Commissioner Edilberto Leonardo, kinsa gitumbok ni Garma nga maoy nag-unang supervisor sa pagmonitor sa mga napatay sa kapulisan sa anti-drug operations ug sa kantidad sa cash rewards. . nga igahatag kanila, uyon sa nasudnon nga pagpatuman sa “Davao Model.” Hinuon, gikonpirmar ni Duterte nga kaila niya sila Garma ug Leonardo, nga parehong mga retiradong police colonel. Sa samang pagdungog, gikompirmar sa kanhi presidente nga cash incentives gyud ang gihatag sa mga nag-implementar sa drug war, ug usahay “dagdagan ko pa.” #PilipinasTodayBisaya #INC #RodrigoDuterte #EJK #WarOnDrugs #Tokhang